චිකිත්සාව හෝ උපදේශනය අවශ්‍ය වන්නේ මානසික රෝගයකින් පෙළෙන පුද්ගලයින් සඳහා පමණක් නොවේ. මානසික රෝග සඳහා මනෝ විශේෂඥ වෛද්යවරුන් විසින් ඖෂධ නියම කරයි. එසේ ඖෂධ ලබා ගන්නා අතර වුවත් මනෝචිකිත්සකවරයකු හෝ උපදේශකයෙකු විසින් චර්යාත්මක මැදිහත්වීමක් තුළින් රෝගීන්ගේ චිත්තවේගීය හා මානසික පීඩාවන්ට ප්‍රතිකාර කිරීම කෙරෙහි අවධානය යොමු කළ යුතුය. එම නිසාවෙන් මනෝ විද්‍යාත්මක උපදේශකයෙකු යනු මනෝවිද්යාව සහ උපදේශනය පිළිබඳ විශේෂිත වෘත්තීය පුහුණුවක් සහිත සෞඛ්‍ය සේවා සපයන්නෙකි. මානසික ආතතිය අඩු කිරීමට සහ ඔවුන්ගේ ගැටලු විසඳීමට, චිත්තවේගීය සහාය අවශ්‍ය වන අවස්ථා තිබේ.
එවැනි අවස්ථාවල දී, ඔවුන්ගේ ගැටලුවලට පිළිතුරක් සොයන අයට උපදෙස් පමණක් නොව, ඔවුන්ගේ මානසික යහපැවැත්මට උපකාර කළ හැකි චිකිත්සක සත්කාර ද අවශ්‍ය වේ.
සේවාදායකයා තම විශ්වාසය, පෞද්ගලිකත්වය සහ අභිමානය පවත්වා ගනිමින් මානසික සෞඛ්‍ය ප්‍රවර්ධනය කිරීම සඳහා නිවැරදි මග පෙන්වීමක් ලබා ගනී.
GIOCP – ගෝලීය උපදේශන වෘත්තිකයන්ගේ ආයතනය ලෙස අපගේ ඉලක්කය වන්නේ සියලු මනෝවිද්යා උපදේශකයින්හට ගෞරවනීය පදනමක් සැපයීමයි. එවිට ඔවුන්ගේ සේවය කැපවීමෙන් හා අභිමානයෙන් යුතුව කරගෙන යා හැකිය.
අපගේ මෙම ආයතනයට සම්බන්ධ වීම සදහා, සාදරයෙන් ඔබට ආරාධනා කරමි.